Euskal Hirigune Elkargoak gonbidatuta, Baionan izan da Olatz Peon Tolosako alkatea, Europako Berdintasun Gutunaren sinadura ekitaldia dela-eta. Tolosal 2007an sinatu zuen gutuna, eta alkatea orduz geroztik herrian garatutako berdintasun politikez aritu da hitzorduan.
Besteak beste Jean Rene Etchegaray Baionako alkatea eta elkargoko lehendakaria, Martine Bisauta Baionako zinegotzia eta elkargoko karguduna eta EBA elkarte feministamo kideak izan ere izan dira ekitaldian, parekidetasunera bidean gauzatu beharreko politikak hizpide zituztela.
Tolosan, ordenantzara bidea
2007ko irailaren 4an sinatu zuen, Tolosako Udalak, Europako Berdintasun Gutuna eta, sinadura hura, lehen pausoa izan zen Emakumeen eta Gizonen arteko Berdintasunerako Tolosako Udal Ordenantza onartzeko; lehena izan zen Euskal Autonomia Erkidegoan.
Orduz geroztik, "prebentzioan, hezkuntza, laguntzan eta emakumeen ahalduntzean" lanean ari da udala eta, besteak beste, III. Berdintasun Planean jasotakoak gauzatzen ari dira orain.