Belako laukoteak arrakasta izugarria izan du MIN sari independenteetan. Lau izendapen zituen, eta azkenean, hiru sari eskuratu ditu: artista, zuzeneko eta bideoklip onenen sariak, hain zuzen. Azken sari hau, Render Me Numb kantaren bideokliparekin eskuratu du:
Bart Madrilen egindako sari-banaketan, ordea, Maria Arnal i Marcel Bages bikotea izan da garaile nagusia, lau sari eskuratuta: disko onenarena, artista berri onenarena, abesti onenarena eta pop disko onenarena. Belakoko taldekideak ez ziren galan izan, Mexiko eta Austin (AEB) inguruan bira hasiko baitute berehala.