Batzuetan porrot batek kolokan jar ditzake barneratutako taktika eta jokaldiak; dudak sortu, alegia. Hirugarren sailkatuaren kantxan merezimendu osoz galdu zuen TAKEk duela bi aste. "Hobeak izan ziren, eta hori onartu besterik ez dugu", aitortu zuen Yon Gonzalez entrenatzaileak.
Baina porrota ahaztu, eta orain arteko bide beretik jarraituz, erraz irabazi du TAKEk asteburuan, Valle de Egues, azken sailkatuaren aurka. Hasieratik puskatu zuten lehia, eta markagailuan tarte zabala izan zuten. Alderik handiena 70-23koan izan zen. Gerora, kanpoko taldeak emaitza zertxobait txukuntzea lortu zuen, eta 86-41 izan zen azken emaitza.
"Garaipenak konfiantza eta indarra eman dizkigu. Garrantzitsua zen guretzat partida ona jokatzea eta zer egiteko gai garen erakustea. Nolabait, Hernaniren aurkako porrotak aktibatu egin du taldea", azaldu du Gonzalezek. Hori bakarrik ez, sailkapen nagusiko lehen postua ere berreskuratu du talde tolosarrak, Hernaniren ezusteko porrotaren ostean.
Zortzi neurketa falta dira denboraldia amaitzeko, eta asteburu garrantzitsuenetako baten aurrean da orain TAKE. Bi neurketa jokatuko ditu. Bata, larunbatean, Iruñean Ardoiren aurka. Bestea, astelehenean, Iraurgiren aurka, Usabalen 20:00etan.
Garaipenak pilatzen jarraitzearen garrantziaz mintzo da Gonzalez: "Bi neurketak irabaziz gero goian dauden taldeek irabazteko presioa egingo dute, eta azken 6 neurketetan gure esku izango dugu igoera lortzea". Urruti ikusten zena, gertuago dago orain.
| Pos. | Taldea | Puntuak | JP | IP | BP | GP | EA | AT | KT |
|---|---|---|---|---|---|---|---|---|---|
| 1 | REDLINE MEKANIKA TAKE | 31 | 18 | 13 | 0 | 5 | 0 | 1312 | 1142 |
| 2 | SAN CERNIN BNC | 31 | 18 | 13 | 0 | 5 | 0 | 1330 | 1291 |
| 3 | HERNANI TECNUN SD | 30 | 18 | 12 | 0 | 6 | 0 | 1300 | 1184 |
| 4 | ATLETICO SAN SEBASTIAN | 30 | 18 | 12 | 0 | 6 | 0 | 1396 | 1234 |
| 5 | TABIRAKO BAQUE | 30 | 18 | 12 | 0 | 6 | 0 | 1342 | 1146 |
| 6 | GOIERRI, K.E. | 29 | 18 | 11 | 0 | 7 | 0 | 1374 | 1307 |
| 7 | GETXO S.B. | 28 | 18 | 10 | 0 | 8 | 0 | 1432 | 1320 |
| 8 | UNIVERSIDAD DEUSTO LOIOLA IND. | 28 | 18 | 10 | 0 | 8 | 0 | 1274 | 1251 |
| 9 | AVIA ZIZUR ARDOI | 26 | 18 | 8 | 0 | 10 | 0 | 1195 | 1250 |
| 10 | ARRI BKL | 26 | 18 | 8 | 0 | 10 | 0 | 1297 | 1337 |
| 11 | DISDIRA BITXITEGIA ISB | 26 | 18 | 8 | 0 | 10 | 0 | 1205 | 1238 |
| 12 | CAFES AITONA ASKATUAK | 23 | 18 | 5 | 0 | 13 | 0 | 1097 | 1287 |
| 13 | UNAMUNO | 21 | 18 | 3 | 0 | 15 | 0 | 1183 | 1337 |
| 14 | CB VALLE DE EGÜES | 19 | 18 | 1 | 0 | 17 | 0 | 973 | 1386 |
Neskek ere garaipen erraza lortu zuten Astigarragako Mundarroren aurka. 40-75 gailendu ziren, eta sailkapen nagusiko seigarren postuan dira. Larunbatean, Oiarsoren aurka jokatuko dute, Usabalen 14:00etan.
| Pos. | Taldea | Puntuak | JP | IP | BP | GP | EA | AT | KT |
|---|---|---|---|---|---|---|---|---|---|
| 1 | BERA BERA GROS | 33 | 17 | 16 | 0 | 1 | 0 | 881 | 548 |
| 2 | ANTIGUA-LUBERRI K.E. | 29 | 16 | 13 | 0 | 3 | 0 | 919 | 646 |
| 3 | OSTADAR S.K.T. | 29 | 16 | 13 | 0 | 3 | 0 | 931 | 721 |
| 4 | GRUPO EME OIARSO SKT | 27 | 17 | 10 | 0 | 7 | 0 | 740 | 671 |
| 5 | ATLETICO SAN SEBASTIAN | 26 | 16 | 10 | 0 | 6 | 0 | 850 | 714 |
| 6 | TAKE - ARALAR KIROLAK | 25 | 16 | 9 | 0 | 7 | 0 | 828 | 684 |
| 7 | CAFES AITONA ASKATUAK -A- | 22 | 16 | 6 | 0 | 10 | 0 | 697 | 794 |
| 8 | AYMA GOIERRI | 22 | 16 | 6 | 0 | 10 | 0 | 657 | 774 |
| 9 | ESKORIATZA KE | 20 | 16 | 4 | 0 | 12 | 0 | 558 | 863 |
| 10 | ASTIGARRAGAKO MUNDARRO | 19 | 17 | 2 | 0 | 15 | 0 | 627 | 996 |
| 11 | STL BILINTX | 18 | 17 | 1 | 0 | 16 | 0 | 578 | 855 |