Komunikazioa, kazetaritza, mikrofono aurrean hitz egitea, egunkari bat osatzea, eguneko albisteen jarraipena egitea... Horrelako kontzeptuak eta askoz gehiago ere gerturatu dizkie TOLOSALDEKO ATARIA-k Orixeko Derrigorrezko Bigarren Hezkuntzako 1. mailako ikasleei.
Erredakzioa bisitatu eta eguneroko martxaren berri izan ondoren, irrati uhinek tripetan sorrarazitako nerbioak lehen pertsonan bizitzeko aukera izan dute.
Lehenik, Pasahitza saioan lehiaketan parte hartu dute. Klasea lau taldetan banatu eta jakintza orokorreko galderak erantzun behar izan dituzte. Berdinketa medio, hiru talde onenak finalera pasa eta lehia amaitu dute, berdinketa batekin oraingoan ere.
Azkenik, Erakutsiz Ikasi saiorako euren kolaborazioa grabatzeko tartea ere izan dute Orixe ikastetxeko DBH 1. mailako neska-mutilek.
Erakutsiz ikasi
Uhineko lanetan, fin
Tolosako Orixe ikastetxeko DBH1-eko ikasleak izan dira 'Tolosaldeko Ataria'-n kazetarien lana gertatutik ezagutzen eta 'Erakutsiz Ikasi'-rako saioa grabatzen.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!