Datorren hilaren 20an ekingo diote udaberriko Jabetze Eskolako eskaintzari eta, maiatza amaierara bitarte, zortzi ikastaroz eta hitzaldi batez ahalduntzeko aukera izango dute eskualdeko emakumeek. Lau jarduera euskaraz izango dira, eta beste lau gazteleraz, eta Tolosako Udaleko Berdintasun Sailak kontuan izan du aurreko hiruhilekoetan ikastaroek izandako harrera; arrakasta izan duten ikastaro zenbait berriro programatu dituzte, eta gai berriak ere jorratuko dituzte.
Berrikuntzei dagokienez, rap tailerra izango da, batetik, Nerea Loron La Furiaren eskutik. Bestalde, Nerea Redondok Gure sentimenduak landuz, gu geu onartuz ikastaroa eskainiko du. Mendi orientazioari dagokionez, aurrez eskainitako ikastaroaren jarraipena izango da hiruhileko honetan eta, azkenik, Adineko emakumeak: enplegua, zaintza eta pentsioak hitzaldi irekia eskainiko dute Arantxa Corralesek eta Isabel Otxoak.
Saio eta ahalduntze-esparru berriekin batera, azken urteotan arrakasta izan duten beste lau ikastarotan izena emateko aukera ere izango dute emakumeek: batukada Feminista, Arantxa Vicedok eta Ainara Sarasketa prestatzaileek bideratuta; Munduko Emakumeen Literatura tailerra Mertxe Trancherekin; Pepa Bojó Ballesterrekin Autoestimua eta Jabetzea ikastaroa; eta Zaindu geure burua zainduz: emakume zaintzaileentzako tailerra Kontxi López Soriarekin.
Jabetze Eskolako ikastaroetan izena emateko aukera zabaldu dute jada eta, ohiko moduan, Tolosako kultur etxera bertaratu beharko da horretarako, edo mezu elektroniko bidez egin beharko da; jarduerak hasi baino bi egun lehenago itxiko dituzte zerrendak. Kultur etxeko ordutegia 10:00etatik 13:00etara bitartekoa da goizez, eta 16:00etatik 19:00etara bitartekoa, arratsaldez. 943 67 03 83ra dei daiteke, eta baita berdintasuna@tolosa.eus -era idatzi ere.
Azkenik, aipatzekoa da, Tolosaldea Garatzeneko migrazio sailak Guretzako bazkariekin jarraituko duela udaberrian ere. Txelo Berra Mur izango da dinamizatzailea, eta topaketa guztiak 13:00etan egingo dituzte. Zehazki, Euskal Herriko jakiak dastatuko dituzte martxoaren 25ean, Errumaniakoak apirilaren 21ean, eta Nikaraguakoak maiatzaren 26an.
JABETZE ESKOLA 2017-2018, Udaberriko eskaintza
BATUKADA FEMINISTA
Irakasleak: Arantxa Vicedo Rubio eta Ainara Sarasketa Alberdi
Egunak: Martxoak 20. Apirilak 17. Maiatzak 8, 22. Ekainak 5 (eta irteera) (astearteak)
Ordutegia: 18:30-20:30
Lekua: San Estebango Auzo Elkartea (Ferialekua)
Euskaraz
5€
MUNDUKO EMAKUMEEN LITERATURA
Irakaslea: Mertxe Tranche Iparraguirre
Egunak: Martxoak 21. Apirilak 11. Maiatzak 2, 23. Ekainak 13 (asteazkenak)
Ordutegia: 18:00-20:00
Lekua: Tolosako Udal Liburutegia
Gaztelaniaz
5€
AUTOESTIMUA ETA JABETZEA
Irakaslea: Pepa Bojó Ballester
Egunak: Apirilak 9, 16, 23. Maiatzak 7, 14, 21, 28. Ekainak 4 (astelehenak)
Ordutegia: 15:00-17:00
Lekua: Tolosako Kultur Etxea (Trianguloa)
Gaztelaniaz
10€
GURE SENTIMENDUAK LANDUZ, GU GEU ONARTUZ
Irakaslea: Nerea Redondo Otamendi
Egunak: Apirilak 10, 24. Maiatzak 15, 29. Ekainak 5 (astearteak)
Ordutegia: 18:00-20:00
Lekua: Tolosako Kultur Etxea (Triánguloa)
Euskaraz
5€
RAP-TAILERRA JABEKUNTZA FEMINISTA LANTZEKO
Irakaslea: Nerea Lorón LA FURIA
Egunak: Apirilaren 13tik (ostirala), 5 saio
Ordutegia: 17:30-19:30
Lekua: Tolosako Kultur Etxea (Trianguloa)
Gaztelaniaz
5€
ZAINDU GEURE BURUA ZAINDUZ: EMAKUME ZAINTZAILEENTZAKO TAILERRA
Irakaslea: Kontxi López Soria
Egunak: Maiatzak 3, 10, 17, 24, 31 (ostegunak)
Ordutegia: 15:00-17:00
Lekua: Tolosako Kultur Etxea (Trianguloa)
Gaztelaniaz
5€
MENDI ORIENTAZIOKO II. IKASTAROA
Irakaslea: Patri Espinar Labian
Egunak: Maiatzak 9 (asteazkena). Maiatzak 12, 19, 26 (larunbatak)
Ordutegia: Asteazkena, 17:30-19:30/20:00. Larunbatak, 9:30-13:30
Lekua: Tolosako Kultur Etxea (Trianguloa) eta inguruko mendiak
Euskaraz
5€
ADINEKO EMAKUMEAK: ENPLEGUA, ZAINTZA ETA PENTSIOAK
Hizlariak: Arantxa Corrales (Pentsioduna. Duintasuna Elkartea) eta Isabel Otxoa (ATH-ELE Elkartea eta UPV/EHUko irakaslea)
Eguna: Maiatzak 10
Ordua: 18:00-20:00
Lekua: Tolosako Kultur Etxea (Trianguloa)
Euskaraz
GURETZAKO: JATORRI EZBERDINETAKO EMAKUMEENTZAKO GUNEA
EMAKUME BAZKARIAK
Irakaslea: Txelo Berra Mur
Ordua: 13:00
Lekua: Ereite Elkartearen lokala (San Esteban, 20)
Egunak: Igandeak
- Otsailak 25. Maroko
- Martxoak 25. Euskal Herria
- Apirilak 21. Errumania
- Maiatzak 26. Nikaragua
EMAKUME ZAINTZAILEAK ZAINDU
Irakaslea: Bidez Bide Elkartea
Eguna: Martxoak 24 (larunbata)
Ordutegia: 17:30
Lekua: Villabonako Subijana Etxea
BESTETASUNA-REN ERAIKUNTZA EUROPARRA ZINEMAREN BIDEZ
Irakaslea: Andrea Ruiz Balzola
Eguna: Maiatzak 21 (astelehena). Nazioarteko Kultur Aniztasunaren Eguna
Ordutegia: 18:00-21:00
Lekua: Tolosako Kultur Etxea