Klima aldaketaren eta jasangarritasunaren bueltako erronka lokalak izan dituzte hizpide, Tolosan, astebeteko egonaldian. Hasi berria den proiektua da eta Flandriako Menen herriko 16 ikaslek eta Orixe institutuko beste hainbeste izango dira lehen parte-hartzaileak. Patxi Amantegi, Tolosako alkateordeak egin zien harrera ofiziala Tolosako Udalean.
Joan den igandean iritsi ziren Tolosara, eta bihar itzuliko dira beren herrira. Ingurua ezagutu, Orixeko ikasketa plangintzan parte hartu eta gaiarekin lotutako hainbat zentro eta enpresa bisitatu dituzte. Tolosako ikasleek, trukean, Menen hirira bidaiatuko dute apirilaren 14tik 21era. Amantegik Tolosaz gozatzeko gonbita luzatu zien eta lantzen ari diren proiektuaren balioa jarri nahi izan zuen mahai gainean
Tolosako Udala ere, Agenda 21 programaren bitartez, klima aldaketaren gaia lantzen ari da herriko gaztetxoekin.