Donostiako Udaleko Euskara Zerbitzuak eta Donostia Kulturak euskarazko antzezlan bati egiten dioten aitortza da, eta konpainiaren lehen antzezlanak jaso du errekonozimendua. Mami Lebrun-ek "ikuslea hunkitzea" lortu duela azpimarratu du epaimahaiak, eta "diziplina asko uztartzen asmatu" egin dutela.
Donostia Antzerki saria irabazita, Xake konpainiak 12.000 euroko saria jasoko du, eta obra Victoria Eugenia antzokian eskaintzeko aukera izango dute, martxoaren 27an; orduan emango diete saria.
Xake konpainia Kepa Errasti aretxabaletarrak eta Xabier Ormazabal tolosarrak sortu zuten, 2015ean, eta urtebetera estreinatu zuten Mami Lebrun. Obrako protagonistetako bat da Errasti, eta Tolosan bizi da.