Atzo gauean, txakurkume batzuk azaldu ziren poltsa baten barruan, abandonatuta, San Esteban auzoan, Ferialekuaren alboan dagoen aparkalekuan.
Herritar batek eman zion abisua Udaltzaingoari, eta TOLOSALDEKO ATARIAri baieztatu diotenez, "7 edo 8 ziren. Gehienak hilda zeuden iritsi ginenerako. Bizirik zeudenak albaitariarengana eraman genituen, baina bakarrak lortu zuen bizirautea". Hurrengo egunean animaliak babesteko elkartera eraman zuten bizirik gelditu zen txakurra.
Herritar askok sare sozialetan jarrera hori gogor salatu du, horrelako jokaerak "bidezkoak ez direla" aldarrikatuz.