2015. urteko irailaren 2koa da gertakaria. Akusatua banbu landare batzuen atzean zegoen gordeta. Epaiaren arabera, "lizunkeriaz" jardun zuen akusatuak: "galtzak jaitsi eta genitalak ukitzeari ekin zion, erekzioa izatera iritsi arte". Gizonezkoaren presentziaz jabetutakoan, Udaltzaingoak bertan atxilotu zuen.
Akusatuak ezeztatu egin zuen gertakaria, baina epaiketan udaltzainek beren bertsioa berretsi zuten.
Zortzi hilabeteko kartzela zigorra ezarri dio orain epaileak, eta horrez gain, akusatuak ezingo du haur parkea baino 200 metroko distantziara gerturatu hurrengo bi urte eta erdian.