Tolosako komertzio batek erakusleihoa puskatu diotela salatu du, gaur goizean, sare sozialetan. Antza, inauterietarako ezarritako babesgarriak kendu eta segituan egin diote txikizioa. Dendako arduradunak azaldu duenez, igande goizerako puskatuta zegoen kristala, beraz, larunbat gaueko gertakaria dela uste du. Momentuz, beren inguruan erasotutako denda bakarra izan da.
Joan den inauterietan, bospasei komertziotako erakusleihoetan txikizioak eragin zituzten Tolosan.