Lehen Mailako Binakako Txapelketan aurrera egingo duten lau bikoteen izenak erabakita geratu dira. Ligaxka amaitzeko bi jardunaldi falta diren arren, Elezkano II-Rezusta; Altuna III-Martija; Olaizola II-Imaz eta Ezkurdia-Zabaleta dira finalerdietako ligaxkara sailkatu direnak.
Jokin Altunak gaur jokatu du 12. jardunaldiko partida, Martija lagun duela. Tolosako Beotibarren izan da lehia, Bengoetxea VI-Larunberen aurka, eta 22-17 bukatu da.
Partida hasieran Oinatz Bengoetxeak eta Mikel Larunbek agindu dute, 7-2 jarriz. Altuna III.ak, ordea, jokoan zegoela erakutsi du tarte horretan, jokaldi ederrak eginaz. Erreakzioa hortik etorri da, eta zortzinako berdinketa ondoren, partida 16-10 jarri dute. Baina gorriak txapelketatik kanpo egon arren, ez dute etsi, eta 16nako berdinketa lortu dute. Larunberen hutsa etorri da 17.goan, eta berriro aurretik jarri direla probestuz, Altuna III-Martija 22ra joan dira.
Beotibar inauterietan
Inauterietan bi pilota jaialdi jokatu dira Beotibarren: Astelenitan eta Asteartitan. Bietan harmailak lepo bete dira, eta mozorro festak pilotalekuaren barruan jarraipena izan du. Eskualdeko pilotariak protagonista izan dira, Tolosak, Peña II.ak, Erasunek eta Altuna III.ak garaipenak lortu baitituzte.
Binakako esku pilota txapelketak
Lehen Maila, 12. jardunaldia
Bengoetxea VI-Larunbe 17
Altuna III-Martija 22
Sailkapena
1. Elezkano II-Rezusta 10-2
2. Altuna III-Martija 8-4
3. Olaizola II-Imaz 7-5
4. Ezkurdia-Zabaleta 7-5
5. Urrutikoetxea-Untoria 5-7
6. Laso-Albisu 4-8
7. Irribarria-Merino II 4-8
8. Bengoetxea VI-Larunbe 3-9
Hurrengo jardunaldia otsailaren 17an, larunbatean, jokatuko dute Iruñeko Labrit pilotalekuan
Olaizola II-Imaz
Altuna III-Martija
Promozio Txapelketa
6. jardunaldia
Ugalde-Erostarbe 16
Elordi-Tolosa 22
Gorka-Salaverri 16
Peña II-Erasun 22
Sailkapena
1. Agirre-Iturriaga 5-1
2. P. Etxeberria-Jaunarena 4-2
3. Ugalde-Erostarbe 4-2
4. Dario-Irusta 4-2
5. Peña II-Erasun 4-2
6. Errandonea-Tolosa 2-4
6. Bakaikoa-Etchegoin 1-5
8. Gorka-Salaverri 0-6
Hurrengo jardunaldia
Errandonea-Tolosa
Peña II-Erasun