Euria egin arren, sokamuturrak gazte ugari bildu ditu Plaza Berrian. Batzuk aterkiarekin aritu dira zezentxoen aurrean, eta beste batzuk, ahal izan duten moduan babestu dira ikuskizuna jarraitzeko.
Ez da erraza izan aterpea aurkitzea Plaza Berrian. Ahal zen moduan babestu dira zezentxoen festa ikusi nahi zutenek, eta gazte bat baino gehiagok aterkia hartuta egin dute korri zezentxoen aurrean. Zinbuluka ta zanbuluka, ohi bezala, igaro da lehen sokamuturra eta bihar ere izango du bere tartea; 11:00etan hasiko da sokamuturra, Plaza Berrian.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!