Elkarte bakoitzak bere taldetxoa osatu, eta Alde Zaharra kalejiren lapiko bilakatzen da, inauteriz eta irribarrez borborka. Inauterietako une magikoetako bat da.
Inauteri doinuak nonahi izaten dira Ostegun Gizenean, baita gaueko ordu txikitan ere. Ero Etxe, Ortzadar, Poca Tripa, Aiz Orratz, Alcoyano, Kabila, Txinparta, Txapel Haundi, Urdiña Txiki, Kabi Alai, Bonberenea... asko eta asko izan dira kalera atera zirenak. Izan da 05:00etan oraindik instrumentuak ezin gorde ibili denik ere.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?