Txistulariek piztu dute Ostiral Mehea

Tolosaldeko Ataria 2018ko ots. 9a, 13:37

Inauterietako ostiral goizak baditu bere protagonistak: Ozenki txistulari taldekoak. Aurten ere hainbat txistulari elkartu dira, haizeko beste instrumentu batzuekin zein perkusioarekin lagunduta, Tolosako kaleak alaitzeko.

Tolosako udal musika eskolako eta Loatzo musika eskolako txistulariak, zein txistulari beteranoagoak, batzuk Tolosaldetik kanpokoak ere, elkartu dira beste behin euren doinuak zabaltzeko. Goizeko kalejira bukatu eta gero, helduenek bazkariarekin emango diote jarraipena egunari.

 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!