Ostegun Gizena kuttuna da tolosarrentzat, inauterien lehen eguna izateaz gain, batez ere herrikoek bizitzen duten eguna delako. Eta egun horretan bada ohitura edo berezitasun bat: txorizoa edo txistorra jatearena.
Elkarteetan zein tabernetan txorizo eta txistor platerak batera eta bestera ibiltzen dira, eta edozein hamaiketakotan ez da faltako txerrikia. Gustuko edariarekin lagundu eta barrura. Goizetik hasten den festa izaten da Ostegun Gizenekoa, eta aurtengoan ere txorizo zein txistor pintxoek ez dute huts egin.