Ostegun Gizena kuttuna da tolosarrentzat, inauterien lehen eguna izateaz gain, batez ere herrikoek bizitzen duten eguna delako. Eta egun horretan bada ohitura edo berezitasun bat: txorizoa edo txistorra jatearena.
Elkarteetan zein tabernetan txorizo eta txistor platerak batera eta bestera ibiltzen dira, eta edozein hamaiketakotan ez da faltako txerrikia. Gustuko edariarekin lagundu eta barrura. Goizetik hasten den festa izaten da Ostegun Gizenekoa, eta aurtengoan ere txorizo zein txistor pintxoek ez dute huts egin.
Inauterien lehen eguneko hamaiketakoen protagonista bihurtuta, elkarte eta taberna guztietan txerriki pintxoak banatzen dira.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!