Pintxana txarangak udan zendu zen Xanti Balza txarangazalea omendu nahi izan du, eguerdian, Plaza Berrian. Hiru alabek, alargunak eta aurten Pintxanan lehen aldiz parte hartu duen bilobak jaso dute omenaldia.
Bonbardinoa joz bere irudia daraman panpina eta propio bere omenez sortu duten 'Xanti Balzari' habaneraren partitura jaso dute oparitan. Mirari Martin eta Ivan Arostegik konposatu dute abesti hori. Hunkituta jaso dute Pintxanatarrek musikari handia zenari egindako aitortza. Jarraian, kantu berria jo dute Pintxana eta Kabi Alaiko txarangek, batera.
Xanti Balzak, besteak beste, Alcoyano, Urdina-Txiki, Poca Tripa, San Esteban, eta noski, Pintxana txarangan parte hartu izan zuen urte luzetan. Azken txaranga honen zuzendari ere izan zen.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!