400 ordenagailu konektatuko dituzte, konexio abiadura azkarrean, Gipuzkoa Euncounter jaialdian. Izen-emate epea zabalik da dagoeneko, baina horrek ez du lekua ziurtatzen, sistemara sartu eta erreserba taldeak antolatzeko baino ez du balioko. Otsailaren 6ko 10:00etatik aurrera egin ahal izango da behin betiko erreserba, 40 euroren truke.
Sarrerekin batera, ordenagailua jartzeko leku bat, entxufe bat eta sare lokal eta interneterako konexioa izateko eskubidea izango dute izena ematen dutenek. Dena den, ordenagailua eramatea ez da beharrezkoa izango, eta kasu horretan ez da lekurik aukeratu beharko.
Aurreko bi edizioen arrakasta ikusirik, aurten ere Open Gunea delakoa antolatu dute: kontsolak, hitzaldiak, tailerrak eta hardware-aren inguruko ekitaldiak hartuko ditu. Martxoak 9an eta 10ean egongo da zabalik, 10:00etatik 20:00etara. Doakoa eta irekia da, beraz, ez da Gipuzkoa Encounterreko sarrerarik izan beharko bertara sartzeko.