Duela ia 3 urte argitaratu zuen bere lehen diskoa Kalean Txarangak. Taldearen bost urteak ospatzeko bigarrena kaleratu dute orain. Euskal taldeen eta bestelako musika talde entzutetsuen kantu ezagunak bildu dizute lan berrian: Fermin Muguruza, Gatibu, Etzakit, Marea... Kideek esan dutenez, "kalean arrakasta gehien duten kantuak dira".
Kalejira egin dute Alde Zaharrean barrena eta bazkaldu ondoren, berriro ere kalera irtengo dira. Bideoan, disko berriko kantuetako bat, Marea taldearen 'Corazón de Mimbre'. (Moldaketa: Mikel Roncal).
