Une gozoa bizi du Gorostidik. Urrian Realeko lehen taldearekin entrenatzeko deitu zuen Eusebiok, eta klubeko teknikariek konfiantza osoa dute berarengan. Orain, kontratua bi urtez luzatzea adostu dute tolosarrak eta Realak, nahiz eta egungoa amaitzeko beste urte bat falta zitzaion.
Erdilariak 11 norgehiagoka jokatu ditu aurten bigarren taldearekin, 576 minutu guztira eta gol bat egin du. Taldearen egoera ere bikaina da: bosgarren postuan da, igoera postuetan dagoen Bilbao Athletic-ekin berdinduta.