Ume, gaztetxo eta gurasoek jendez bete zuten Euskaltelen denda, denek nahi baitzuten futbolariekin tartetxo bat partekatu. Jokalariek euren argazkiak ematen zizkieten sinatuta, eta ume askok beren baloi eta elastiko txuri-urdinak sinatzeko baliatu zuten aukera.
Ordubete pasatxo iraun zuen jardunak, eta denak gustura geratu ziren. Bertaratu ziren umeen eta gurasoen poza nabarmena zen, gutxitan izaten baita Real Sociedadeko futbolari bat bertatik bertara ikusi eta berarekin hitz egiteko aukera. Amaieran, Logikalinek bai Juanmiri, eta baita Odriozolari ere, bertako produktuez osatutako otarrea oparitu zieten, esker ona adierazteko.