Alpino Uzturreko 11 eskiatzaile izan dira egunotan Linzan, Espainiako Txapelketa lehiatzen. Larunbatean, sprint modalitateko txaplketa jokatu zen. Tolosako taldeko Berenice Lavin izan zen txapeldun 14 urtez azpikoen mailan, eta Alaia Juaristik bigarren postua lortu zuen. 16 urtez azpikoan, Olaia Plazas bosgarren helmugaratu zen, eta 18 urtez azpikoan, zilarrezko domina lortu zuen Mikel Plazasek.
Igandean, berriz, klasiko estiloko lasterketak jokatu ziren. Berenice Lavinek irabazi zuen 14 urtez azpikoen proba, eta Naroa Amantegi podiumetik postu bakarrera geratu zen, laugarren helmugaratuta. 16 urtez azpikoan Olaia Plazas izan zen txapelduna. Mikel Plazasek, aldiz, 4. postuan amaitu zuen 18 urtez azpikoan.
Hurrengo hitzordua urtarrilaren 28an izango dute, Belaguan. Euskal Herriko Txapelketa jokatuko dute bertan.