Tolosako Udalak zehaztu eta onartu ditu inauterietako karrozen arduradunak Usabalgo pabiloia erabiltzeko baldintzak, eta martxan jarri dute, jada, izen-ematea. Bertan daude udalak urte osoan barrena gorde dituen plataformak eta, azaldu dutenek, bost metroko altuera gainditzen duten konpartsek bakarrik erabili ahal izango dute Usabalgo eraikina.
Horretarako, konpartsetako kideek kultur etxera bertaratu beharko dute, eskaera orria betetzeko. Lehenik, pabiloia erabiltzeko baldintzak ezagutzea ezinbestekotzat jo du udalak, eta ondoren eskaera orria bete eta aurkeztu egin beharko dute udaletxean. Azkenik, erregistratutako eskaera orriaren kopia bat egin, eta kultur etxera bertaratu beharko dute giltza eskatzera.
Baldintza horiek guztiak eta eskaera orriaren inprimakia eskuragarri daude www.tolosa.eus atarian.
Aurten, otsailaren 8an hasiko dira Tolosako inauteriak, eta karrozak otsailaren 11n irtengo dira, lehenengoz, kalera.