Azoka berezia baliatuz, Tolosako Azokak, Tolosako Udalarekin eta Tolomendirekin batera, Nekazal Elikagaien Erakusketa-Lehiaketako baserritar-ekoizle sariak banatu dira. Patxi Montesek lortu du saria fruitu eta barazkien sailean, Arantxa Garaiburuk esneki-txerrikien sailean, Mari Karmen Goiburuk ogia-gozogintza sailean eta Inaxio Gorosabelek postu ikusgarrienarena eraman du.
Bestalde, Tolosako Azokako postuei sagar erre konpota banatu die Olatz Peon alkateak eta Nerea Letamendia zinegotziak. Oihana Iguaran eta Andoni Egaña bertsolariek euren bertsoekin alaitu dute giroa postuen zehar egindako ibilbidean, eta musikariek ere goxatu dute Zerkausia beraien jardunarekin.