2. mailako finalean Mirari Etxegiak eta Itziar Lopetegik (Tolosa CF) osatutako bikoteak Ainhoa Ontsalo (alegiarra, Intxurre klubeko) eta Enara Lasarte (Suberri klubekoa) bikotea izango du aurkari. Lehen mailakoan Amaia Irazustabarrena eta Mari Murua (altzotarra, Intxurre klubekoa) bikoteak Ainhoa Garmendia (alegiarra, Suberri klubekoa) eta Miriam Arrillaga (Suberri klubekoa) bikotearen aurka ariko dira.
Bihar ere, eta Beotibar frontoian bertan, goiz eta arratsaldez Emakume Pilotari Herrikoien Paleta Txapelketa Azkarra izango da jokoan. Parte hartzaileek elkarrekin egingo dute bazkaria.
Eskualdeko pilotariak ariko dira Emakumea Pilotari Txapelketako finaletan
Tolosako Beotibar pilotalekuan Emakumea Pilotari Txapelketako finalak jokatuko dira bihar arratsaldean, 17:30ean hasita, gomazko paletan, eta bi mailetan eskualdeko pilotariak izango dira.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!