Joan den astean ekin zioten iragarritako agendari, eta gaur egun osoko lehen mobilizazioa egin dute Tolosako Asuncion klinikako langileek.
Goizean goiz, Asuncion klinikako egoitza guztiak paperez josi dituzte, gero, klinikan bertan elkarretaratzea egiteko. Andoain izan dute hurrengo geltokia, eta klinikak bertan duen osasun zentroan ere elkarretaratzea egin dute; berdin, Tolosako Belateko zentroan ere.
Eguerdian Tolosako udaleko atarira bertaratu dira, aldarri eta mezua plazaratu eta ordubeteko elkarretaratzea osatuz. Azkenik, Andoainen kotxe-karabanarekin biribildu dute lehen greba eguna.
Hilaren 27an beste kotxe-karabana bat egingo dute, eta urtarrilaren 8an eta 9an, berriz, egun osoko beste bi lanuzte iragarri ditu langile batzordea, soldata igoera eskatzeko.