Xistera Zirkuituko IV. Elola Memorialeko finalak jokatu dira gaur Tolosako Beotibar pilotalekuan. Alex Ibañez tolosarra izan da txapelduna helduen mailan, Anton Gandiagarekin batera.
Gazteen mailan, Baptiste Godwyn eta Maxime Berdoulay-k irabazi dute Bixente Gonzalez eta Ander Lekuberen aurka. Bi partida jokatu behar izan dituzte, eta biak irabazi dituzte, 15-14 eta 15-11.
Nagusietan, berriz, Alex Ibañez tolosarrak eta Anton Gandiagak garaitu dituzte Antxon Alberdi eta Theo Laborde. Hiru partida jokatu dituzte: 6-15, 15-12 eta 5-2 izan dira emaitzak.
Alex Ibañez Beotibar elkarteko pilotaria da tolosarra.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?