Arrakastatsutzat jo du saioa Ainhoa Zabala Tolomendiko teknikari eta Tolosako Azokako dinamizatzaileak. Helduei zuzendutako lehen tailerra egin dute eta jada datorren urtean gehiago egiteko eskaera ere jaso dutela esan du. "Orain arte haurrei eta famili zein gazteei begirakoak egin ditugu, hau da helduei zuzendutako lehena, eta oso kontentu gaude. Eskaera ikusita datorren urtean beste zerbait egin beharko dugu", esan du.
Parte hartzaileak oso gustura egon direla esan du eta azokatik garaian garaiko produktuak aukeratu eta Sukaltakan prestatu ahal izan dituztela esan du. Horretarako Sonia Tapia sukaldariaren eta Amaia Diaz de Monasterio nutrizionistaren laguntza izan dute.
Bi izan dira produktu nagusiak, Nafarroako orburuak eta barazki kruziferoak. Bi plater nagusi presatu dituzte, batetik, orburuak baserriko arrautzarekin prestatu dituzte, eta bestetik, Frantziako sukaldaritzatik datorren crudités bat prestatu dute barazki kruziferoekin. Postre bezala baserriko jogurta eta errezilgo sagarrak egin dituzte, intxaurrez eta menbrilloz lagundurik.