Tolosaldea Osasun Publikoaren Alde (TOPA) koordinakundeak, astebete darama traumatologiako lau baja horien albistea salatzen, esku orriekin eta osoko bilkuran.
Klinikan 6,5 traumatologok aritu bearko luketela diote, eta 3,5 baino ez direla ari. Espezialista horiek klinika lan baldintza hobeen truke utzi dute TOPAren arabera eta, hutsunea bete ez dutenez, 200 pertsona baino gehiago daude itxaron zerrendan, koordinakundeak azaldu duenez: «Bi hilabete baino gehiago zain darama jendeak». Hori guztia eta azken urteotako kudeaketa salatzeko, agerraldi jendetsura deitu dituzte herritarrak, larunbatean, 12:00etan, Tolosako kultur etxean.