Bartzelonan sortu zen bikotea da, Vicente Andreuk eta Laura Cortesek osatutakoa. Atzo eguerdian ere egin zuten antzezlan bera, baina kasu honetan, Plaza Berrian izan zen ikusgai. Antzokietan burutzeko obra den arren, gaurkoan bertsio laburragoa ekarri dute Tolosara. Bertan, antzezlan musikatu bat egiten dute, inolako hizketaldirik ez duena, eta nahiz eta berez helduei zuzenduta egon, gaurkoan familian joandakoak ziren nagusi Zerkausian, ume ugari ikus zitezkeelarik.
Atzo hasi eta datorren igandera bitarte luzatuko da Titirijai jaialdiaren 35. edizioa, Tolosan. Gaur eguerdian, Fils de Fusta taldearen Le Cafe-Concert obra ikusteko aukera izan da Zerkausian.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!