Joseba Ormazabal herritarrekiko harremanak, partaidetza eta informazioaren gizartea zinegotziak azpimarratu ditu webgunearen ezaugarriak: "Gertutasuna, gardentasuna, eta gizartearen behar eta eskakizun berrietara egokitzea dira ezaugarri nagusiak. Udalaren egunerokoa, bere jarduerak eta bere ordezkarionak tolosarrei gerturatzea, eta erakundearekiko duten harremana erraztea du helburu”.
Ormazabalek azpimarratu du irudi berria duela webguneak eta erabilterraza dela. Horretaz gain, bilatzaile "aurreratua" due eta gailu ezberdinetan ikusteko moduko diseinua duela: "Responsive da webgune berria; azken urteetan, tableten edota telefono mugikorren erabilerak gora egin du, eta diseinu responsive-a izatea funtsezkoa da”, adierazi du Ormazabalek.
Era berean, nabarmendu du tramiteak egiteko B&Q sistema berria duela. “Udaleko tramiteen %90a etxetik egiteko aukera izango du herritarrak Udalera bertaratzeko beharrik izan gabe”.