Amnistiaren Aldeko Mugimenduak azpimarratu duenez, "Iparragirreren gorputzak ez dauka defentsarik eta edozein momentutan hil daiteke. Garaian, bere gaixotasuna dela eta zigorra etxean betetzea onartu zioten, baina beranduago baimen hori bertan behera utzi eta berriro espetxeratu zuten."
Iparragirrez gain, Manu Azkarate tolosarra egoera horretan dagoela azpimarratu dute: "Krudelkeria horren atzean dagoena ez da mendeku gose soila, herri oso bat ikaratzeko nahia eta, batez ere, preso politikoen
damutzea lortzeko saiakera baizik".
Amnistia Mugimenduaren arabera, Espainiako Estatuak preso politikoei eskaintzen dien bakarra "Damutu ala hil" da. Bere herriaren askapen nazionalaren eta sozialaren alde borrokatu duten euskal militanteak torturatu, bortxatu eta erail dituen estatua", jaso dute adierazpenean.
Era berean, gehitu dute "amnistia osoaren gauzapena dela euskal preso politikoak eta Euskal Herria bera askatuko dituen aukera bakarra".