Tolosako Ekinbide Etxearen jarduera eta ahaleginak azpimarratu ditu Denis Itxasok: "50 urtean zehar, interesez eta gartsu, inguruko guztiak kutsatzeko gai izan da. Tolosar ugarirekin lankidetzan aritu da kulturarekin, turismoarekin, herri-tradizioekin edo jai-jarduerarekin lotutako bere programak eta ekimenak aurrera eramateko", azaldu du Itxasok.
Bost hamarkada hauetako lana aitortzeko, Itxasok Gipuzkoako ereserkiaren partitura bat oparitu dio TEEri. Olatz Peon Tolosako alkatea eta Marisol Garmendia diputatua ere ekitaldian izan dira, eta Gipuzkoako zenbait abesbatzek kontzertu txiki bat ere eskaini dute ekitaldia amaitzeko.