Errigora ekimeneko kideak informazioa banatzen arituko dira bihar

Tolosaldeko Ataria 2017ko aza. 10a, 17:18
Argazkia: errigora.eus

Larunbatean, azaroaren 11n, Errigora egitasmoko kideek karpa handi bat jarriko dute Trianguloan, 11:00etatik 13:00etara; beren ekimenaren berri emateko eskuorriak banatuko dituzte.

Errigora duela lau urte sortutako eta auzolanean oinarrituriko ekimena da. Nafar hegoaldeko produktuak herritarren eskura jartzen ditu, ekoizleekin elkarlanean eta auzonalaren bidez. Ateratzen diren etekinen zati bat Nafarroako euskalgintzara zuzentzen da eta euskaltegi eta ikastolen esku jartzen dira.

Urtetik urtera hazten ari den ekimena da eta bi kanpaina egiten ditu urtean: bata udazkenean, produktu ezberdinen sortak osaturiko kaxak salduz, eta bestea udaberrian, olioa edota kontserba loteak salduz.
 
Euskal Herriko herri askotara hedatuta dago, eta Tolosan, Laskorain Ikastolan, Samaniego-Orixen, Inmakulada ikastolan, Galtzaundin, Aitzol Udal euskaltegian, Lizardin eta udaletxean bertan eska daitezke azaroaren 14ra bitarte, baita Errigoraren webgunean bertan.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!