2014. urtean jarri zuten martxan Iurreamendiko baratze parkea, eta lursailak erabili eta ustiatzeko lehen epealdia amaitzear da. Horrela, urtarriletik aurrera erabiltzaile berriek sartu beharko dute ekoizle moduan, eta udalak izen-emate epea zabaldu du: azroaren 3a izango da horretarako azken eguna.
Esleipendunak zozketa bitartez zehaztuko ditu udalak, eta hiru erabiltzaile mota izango dira, orain arte bezala: langabetuena eta adimen urritasuna dutenena, elkarteena eta norbanakoena.
Iurreamendiko baratzeen zozketan parte hartzeko izen-emate orria eta informazioa eskuragarri daude www.tolosa.eus webgunean.
Tolosako Udalak erabiltzaile berriei esleituko die, Iurreamendiko baratze parkeko baratzea, 2018-2021 epealdirako.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!