Tolosako Naturaldia omentzeko liburu bat argitaratu du Gipuzkoako Foru Aldundiak

Tolosaldeko Ataria 2017ko urr. 20a, 17:28

Ingurumen jardunaldiek mende laurdena bete dute, eta adituen iritziz mamitutako argitalpena baliatu du, aldundiak, egitasmoa omentzeko.

Naturaldia: 25 gai pil-pilean izenburu hartuta, 25 gairi leihoa zabalduko die liburuak, ingurumenaren esparruko 25 adituren eskutik. Gipuzkoako Foru Aldundiaren egoitzak aurkeztu dute lana eta bertan izan dira, besteak beste, Jose Ignacio Asensio ingurumen diputatua eta Shole Martin Naturaldiako antolatzailea.

Liburuak bi zati izango ditu. Batetik, 25 adituren artikuluak bilduko ditu, eta argitalpenaren zati mamitsuena izango da; naturalistek, zientzialariek, filosofoek, kazetariek nahiz artistek utzi dute beren alea, Naturaldiko liburuan, eta honakoa da kolaboratzaileen zerrenda: Iñaki Aizpuru, Sebastian Alvaro, Joaquin Araujo, Pedro Arrojo, Joseba Azkarraga, Luis Balarion, Pedro Caceres, Mabel Cañada, Carlos de Hita, Teresa del Valle, Miguel Delibes, Arturo Elosegi, Javier Garcia Breva, Nisa Goiburu, Jane Goodall, Asier Hilario, Jose Antonio Marina, Emilio Miguel Mitre, Daniel Pauly, Odile Rodriguez de la Fuente, Salvador Rueda, Margarita Salas, Jordi Sargatal, Manuel Toharia eta Adolfo Uriarte.

Aditu horien guztien aleez gain, liburuak Naturaldian mugarri izan diren une eta bitxikeriak bildu ditu, argazkiz hornituta. Azkenik, Itziar Eizagirre ingurumen abokatu eta idazlearen epilogo batek biribildu du argitalpena, 25 kontakizunekin.

GFAk jakinarazi du, Naturaldia: 25 gai pil-pilean liburua saretik ere jaitsi daitekeela, www.gipuzkoaingurumena.eus ataritik.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!