Duela urte batzuk, martxan jarri zuten Gipuzkoako Baratze Parkeko Sarea, eta gaur goizean, Tolosan egin du geldialdia. Baratze parkeetako erabiltzaileak ez ezik, herritar ugari elkartu dira bertan, antolatutako jarduerez gozatzeko asmoz. Lehenik, Jakoba Errekondok, baratzeen inguruko hitzaldi bat eskaintzeaz gain, bisitariek egindako galderei erantzun die. Ondoren, haurrek, hazien inguruko Hazo Bonbak izeneko tailerrean parte hartu dute, bertako produktuekin osatutako hamaiketakoa eta bisita gidatuak egin aurretik.
Eguneko ekintzarik bereziena, intsektu hotelen lehiaketa izan da, baita egoitzan dauden adineko guztiek, kideen bisita jaso dutenekoa. Barruraino sartu dira, trikitilari eta guzti. Jarraian, adineko pertsona horiek, hamaiketakoaz gozatzeko aukera ere izan dute. Azkenik, bazkari herrikoia ospatu dute, Aimarrek irabazitako toka txapelketa eta gero. Eguraldi txarra zela eta, zaharren egoitzako aterpean bildu dira guztiak, eta Lurlan-eko kideek prestatutako jakiak dastatu ahal izan dituzte.