Zazpi urte dira jada, Abay elkarteak merkatu txikia antolatzen duela Tolosan. Elkarteko Maier Mendietak azaldu duenez, azken hiru urteetan 3.000 euro bildu dituzte merkatuan eta diru horrekin "gauza asko" egin ahal izan dituzte Etiopian. "Abay-k hainbat proiektu ditu Etiopian, elkartearen webgunean ezagutu daitezkeenak, tartean dira eskola bat, osasun sail bat eta baita putzu bat ere".
Trianguloan egongo dira 20:30ak arte eta bertan jendeak emandako gauzak dira nagusi; jostailuak, arropa, liburuak eta bestelako gauzak. Etiopiako artisautza ere erosi daiteke lagundu ahal izateko.