Abay elkarteak antolatuta, merkatu txikia egiten ari dira Trianguloa plazan. Abay elkartea Etiopiako haurrak adopzioan hartu dituzten gurasoek sortu zuten eta helburua, Etiopian proiektuak gauzatu eta diruz laguntzea da.
Zazpi urte dira jada, Abay elkarteak merkatu txikia antolatzen duela Tolosan. Elkarteko Maier Mendietak azaldu duenez, azken hiru urteetan 3.000 euro bildu dituzte merkatuan eta diru horrekin "gauza asko" egin ahal izan dituzte Etiopian. "Abay-k hainbat proiektu ditu Etiopian, elkartearen webgunean ezagutu daitezkeenak, tartean dira eskola bat, osasun sail bat eta baita putzu bat ere".
Trianguloan egongo dira 20:30ak arte eta bertan jendeak emandako gauzak dira nagusi; jostailuak, arropa, liburuak eta bestelako gauzak. Etiopiako artisautza ere erosi daiteke lagundu ahal izateko.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!