Ostegun arratsaldean zabaldu zituen ateak TAKE saskibaloi taldeak hirugarren urtez antolatu duen Garagardo Azokak. Gaur espero dute jende gehien.
Koldo Arsuaga lehendakariak arratsaldean nabarmendu duenez, aurreko bi egunetan bete egin dira aurreikuspenak. Zerkausian eta Trianguloan daude jarrita mahaiak afaltzeko eta 22 garagardo mota dastatzeko aukera izango da: 4 arrunt, 16 berezi eta 2 artisau garagardo.
Gaur gauean, giroa alaitzeko, DJ Bullek jarriko du musika Zerkausian.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?