Ingurutxoa Bedaioko ikur

Erabiltzailearen aurpegia Josu Artutxa Dorronsoro 2017ko ira. 10a, 21:14

Bedaioko auzotarrek gaur arratsaldean esan diete agur festei. Goizean, hamaiketakoa eta txirrindulari igoera ospatu dituzte, eta arratsaldeko herri kirol saioaren ondoren heldu da dantzarako garaia.

Bedaiok zerbait berezia badu, hori ingurutxoa da, bertako dantza. Eta hori, auzotarren aurrean dantzatzeko garairik aproposena da festetako azken eguna. Arratsaldeko 18:00etan izan da herri kirol saioa, eta ondoren hasi dira oinak eta hatzak astintzen dantzariak. Kalejira, fandangoa, arin-arina... denetik dantzatu dute, eta ederki asko aritu dira. Horrela, bertaratu direnen txalo zaparrada entzuteko aukera izan da.

Aizkoran eta harriak jasotzen aritu direnak, berriz, Atutxa eta Mugerza alde batetik, eta Aimar Irigoien eta Izeta II.a bestetik, izan dira. Azken honek, Bedaion egin du bere azken saioetako bat, urte amaieran erretiroa hartzekoa da eta.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!