Egunaren aurkezpenean eskertu zaie Udaberriko kideei bertan parte hartzea, eta urte guzti hauetan egin duten lanarengatik. Taldearen egungo arduradunek eskertu diete belaunaldi guztiei "Udaberri izaera" sortzeagatik: "Izaera ekintzaile, konprometitu, euskaltzale eta berdinzalea. Eta gaur parrandazalea ere!".
Eguna, noski, agurrarekin hasi dute, eta ondoren sei belaunaldietako ordezkariek suziri bana bota dute. Kalejira etorri da ondoren, eta Lopez Mendizabal plazan zein Santa Maria plazan belaunaldi guztietako partaideek dantzak eskaini dituzte. Ondoren, Trianguloa plazan Larrain dantza erraldoia egin dute, eta herritar guztiei parte hartzera gonbidatu.
Egunak bazkariarekin jarraituko du eta, Jainekin txarangak girotuko du arratsaldea. Azkenik, Gozategi taldearen kontzertua izango da Euskal Herria plazan, 23:00etan. Dantzari eta dantza faltarik ez da izango gaur Tolosan.