Bedaion ere herritarren bilgune izango dira festak: mahaiaren bueltan bilduko dira erretirodunak ostegunean eta herri afariak egingo dituzte ostiralean eta larunbatean.
Ostiralean, Sutarri eta Amezketako dantza taldeen emanaldia izango da eta bertso poteoarekin borobilduko dute eguna. Larunbatean, ume jolasak egingo dituzte herritarrentzat, eta aspaldiko ohiturei jarraituz, baratxuri zopa eta txokolatea eskainiko dute goizaldeko ordu txikiak arte geratzen direnentzat; horretarako, erromeria doinuak izango dituzte Izer eta Alabier eta Ansorregi eta Larrañaga trikitilariekin.
Igandean izango dira festetako ekintza nagusiak. Eguerdian, Bedaioko XXVIII. Txirrindulari igoera jokatuko da. Arratsaldean, berriz, herri kirolen txanda izango da: Atutxa eta Mugerza aizkolariak eta Aimar Irigoien eta Izeta II harri jasotzaileak arituko dira indarrak neurtzen. Ondoren, Bedaioko ingurutxoa dantzatuko dute.
Uda izaten omen da herriko festen garaia, baina eskualdean behintzat, bada oraindik ajerako tartea.
EGITARAUA
Irailak 8, ostirala
11:00. Meza nagusia.
Ondoren. Hamaiketakoa trikitilariekin eta toka txapelketa.
14:00. Jubilatuen bazkaria Abaetxe jatetxean.
17:00. Sutarri eta Amezketako dantza taldeen emanaldia.
19:00. Bertso-poteoa.
21:00. Zahagiardoa.
Ondoren. Erromeria Elustondo anai-arrebekin.
Irailak 9, larunbata
17:00. Ume jolasak.
21:00. Herri afari nagusia.
Ondoren. Erromeria Izer-Alabier eta Ansorregi-Larrañagarekin.
Goizaldera. Baratxuri zopa eta txokolatea.
Irailak 10, igandea
11:00. Meza nagusia.
Ondoren. Hamaiketakoa trikitilariekin .
13:00. Bedaioko XXVIII. Txirrindulari igoera.
18:00. Herri-kirolak. Aizkolariak: Atutxa eta Mugerza. Harrijasotzaileak: Aimar Irigoien eta Izeta II.
Jarraian. Bedaioko ingurutxoa.
21:00. Afaria Artubi elkartean mondejua eta ardi gixaduarekin.