Etabar kolektiboa Tolosaldeko jatorri ezberdinetako musikari eta musikazaleek osatzen duten taldea da. Lehenengo, Yassin Baali-k eta Cheb Nabil-ek osatutako Bejeres bikoteak gidatutako musika emanaldia izango da. Magreb aldeko doinu eta erritmoak eskainiko dituzte.
Ondoren, Lamine Baye Fall rap-hip-hop abeslariak Senegalgo Con Na Studio-ko lagunekin batera sortutako abestiak eskainiko ditu. Eguzki tabernan izango da hitzordua, bihar, larunbata, 19:00etatik aurrera.