Izaro Cuerdok eta Samaniego ikastetxeak Espainia mailako VI. Europa Junior txapelketa irabazi berri dute. 'Nola ikusten dute haurrek Europa?' gaia irudikatu behar zuten marrazkiaren bitartez, eta junior kategorian nahiz ikastetxeen mailan lehen postuan sailkatu dira.
Samaniego ikastetxeko LH5 eta LH6 mailako ikasleak irabazle suertatu dira Europa Junior izeneko txapelketan. Batetik, Izaro Cuerdok junior kategorian lehen saria lortu du Dantza izeneko lanarekin. Bestetik, Europako dantza izeneko lanarekin Samaneigo izan da saritua ikastetxeen mailan. Hain justu, Izaro Cuerdoren lana hartu dute oinarrian Europako dantza izeneko mural saritua egiteko.
Marrazketa eskolak Oskar Tenaren eskutik jaso dituzte Tolosako ikastetxeko gaztetxoek. MAdrilen jasoko dute saria irailaren 13an egingo duten sari banaketa ekitaldia.
Elkarrizketa egin diegu Ataria irratiko Pasahitza saioan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
