Samaniego ikastetxea eraikin eta jolasleku ugarik osatzen dute, eta eraikin horiek aldapa handiko eremuan daude, "zenbait mailatan antolatuta". Maila horiek kanpoaldeko pasabide batek lotzen ditu, eta oinezkoak hortik iristen dira eraikin eta instalazio guztietara. Dena den, aldapa txikiko arrapalak egin zituzten eta igogailu bat ere eraiki zuten instalazio guztietako irismena hobetzeko.
Gaur egun, mugitzeko zailtasuna duten pertsonek ezin dute goiko jolasgunera iritsi. Goiko jolasgunea bi mailatan banatuta dago, eta eskailera batzuen bidez soilik dago lotuta. Orain bi maila horiek lotuko dituen aldapa txikia egingo dute.
Obarak uztailean hasiko dira eta bi hilabete iraungo dute. Hortaz, ikasturte berria hasterako obrak bukatzea aurreikusten du Tolosako Udalak.
Orain dela zortzi urte hasi zen Samaniego ikastetxeko irisgarritasuna hobetzeko proiektua eta hainbat fasetan burutu da; obra hori izango da azkena.