Behin ikasleek oporrak hartuta, ikastetxeetako bisitaldi denboraldia amaitu bada ere, iragan astean 'Tolosaldeko Ataria'-k Ibarrako Garaguneko erabiltzaileen bisita jaso zuen.
Ibarrako zentrotik bazetozen ere, argi utzi nahi izan zuen Garaguneko kide bakoitzak bere bizitokia: Zizurkil, Amezketa eta Tolosa.
Ibarran elkartzen den taldea hamalau lagunek osatzen dute, baina Tolosako erredakzioa ezagutzera sei erabiltzaile gerturatu ziren ostiralean. Erredakzioa bisitatu, astekaria eskuan hartu eta kazetarien lana usaintzeko aukera eman zien, baita zenbaiten kasuan irratian aritu ere.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!