Bi asteburu oparoren ondoren, Tolosako San Joan jaiak baloratu eta iritziak partekatzeko unea iritsi da. Horretarako, Tolosako Udalak balorazio bilera irekia deitu du biharko.
Hitzordua 19:30ean izango da, kultur etxeko lehen solairuan, eta helburua hurrengo urteko sanjoanak hobetzeko iritziak biltzea izango da.
Horregatik, bilerara bertaratu ezin duten herritarrek beren iritzia emateko aukera izango dute, festak@tolosa.eus helbidera idatzita.