Gipuzkoa Ogi Berri Txirrindulari taldeko jubenilak bikain ibili dira Gipuzkoako Erlojupeko Txapelketan. Aizarnazabaleko podiuma eurena izan zen, eta lehen postua Arantxa Garikanok eskuratu zuen. Bigarrena Garazi Erostarbe oñatiarra izan zen, hau ere Gipuzkoa Ogi Berri taldeko txirrindularia. Helmugan hirugarren denbora Amaia Imaz tolosarrak lortu zuen.
Bestalde, asteburu honetan Espainiako txapelketak jokatuko dira. Elite eta 23 urte azpikoen mailan Gipuzkoa Ogi Berriko bi txirrindulari ariko dira lehian: Leire Olaberria ikaztegietarra eta Eukene Larrarte tolosarra. Lehena, gainera, erlojupeko proban faboritoen artean irtengo da. Horrez gain, errepideko txapelketa ere jokatuko dute eskualdekoek.
Gipuzkoako Erlojupeko Txapelketan Gipuzkoa Ogi Berriko txirrindulariak podiuma osatu dute, Aizarnazabalen.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!