Horrela, berazubitarrek egitarautxoa osatu dute aurten, Tolosa CF plazan auzotar guztiak elkar daitezen.
Pintxo potea egingo dute lehenengo, eta norbere afaria etxetik eramanda afalduko dute gero. Ondoren, sua piztu eta gau giroaz gozatzea baino ez zaie geratuko, egun handiaren zain.
EGITARAUA
Ekainaren 23a, ostirala
19:00-21:00. Pintxo potea Tolosa CF plazan. Patata tortilla, txanpiak eta kroketak izango dira, eta baita garagardoa, ardoa, sagardoa eta musika ere.
21:00. Afaria Tolosa CF plazan. Norberak bere jakiak eraman beharko ditu, baina, mahai kopurua zehazteko helburuz, izena eman beharko da, bihar eta etzi, 19:00etatik 21:30era bitarte, Ordizia tabernan.
22:00. San Joan sua piztuko dute. Afalondoan nahiz suak dirauen bitartean, barra ezarriko dute edariak nahiz kopak eskuratu nahi dituenarentzat. Gainera, sariak zozkatuko dituzte .