Besteak beste, Altsasu eta Oreretako gazteen gurasoak ere azaldu dira Tolosara eta Ezpala eta Intxurreko auziengatik inputatutako bost lagunen senitarteko eta lagunei elkartasuna adierazi diete. Alfonso Fernandez Ortega Alfon madrildarraren senideak ere Tolosan izan dira eta bertako gazteen aurkako akusazio guztiak atzera botatzea eskatu dute.
Manu Aiertzak hitz egin du manifestazioaren bukaera eta gogoratu du aste honetan abiatuko dela Ezpalako auzian inputatuko bi gazteen aurkakoa eta uztailaren 13an Intxurreko gertaerekin lotu dituzten gazteen aurkakoa. Mobilizazioei adi egiteko deia luzatu du. "Lanean jarraitu beharko dugu nahi duguna lortzeko. Haiek indar handia dute, baina gu gehiago gara eta bat eginda lortu dugu", esan du Aiertzak.