Guztira hamasei izan dira parte hartu duten korrikalariak, hamabost gizonezko eta emakumezko bat. Gizonezkoetan bigarrena Ibai Etxeberria izan da, eta hirugarrena eta auzoko lehenengoa Iker Manso izan da.
Imanol Rojok lehenengo aldapetan hartu du aurrea eta ez du aurreneko postua utzi helmugara iritsi arte. Hor bai, aldapa behera joatea zailagoa egin zaio. Iraupen eskiko denboraldia prestatzen ari da Rojo, eta bere asmoa Olinpiar Jokoetara joatea da.
Uzturrera igoera ere baliatu du Larramendi auzo elkarteak Arkaute etxean egin dituen berrikuntzak erakusteko. Haurrentzako txoko bat atondu dute, eta beste espazioak margotu egin dituzte.